Бөгүн Таңды-Уула аттыг хөй-ниити төвүнүң шөлүнге «Шагаа» байырлалы болуп эрткен
Бөгүн Таңды-Уула аттыг хөй-ниити төвүнүң шөлүнге «Шагаа» байырлалы болуп эрткен.
«Амыдыралдың кол хөлгези аът — 12 ыдык аңнарның аразынче кире бергени!» деп коргүзүңнү, чылдың демдээ — аът-биле харылзаазын онзалап көргүскен.
Чеди-Хөл кожууннуң Төлээлекчилер хуралының Баштыңы болгаш Даргазы Мерген Владимирович Сат база кожуун чагыргазының даргазы Адыгжы Валериевич Араптан чурттакчыларга болгаш аалчыларга байырын чедиргеннер.
Ол ышкаш бөгүн бистиң кожуунга Тыва Республиканың Дээди Хуралының (парламентизиниң) Конституция-эрге-хоойлу политиказының болгаш тус чер бот-башкарылгазының талазы-биле комитединиң даргазы Людмила Леонидовна Осмоловская кээп, шупту чурттакчыларга Шагаа-биле байыр чедирип, «Тыва Хевим-Чоргааралым"деп мөөрейниң киржикчилеринге белектерни тывыскан.
Улуг болгаш аныяк салгалды каттыштырган «Дээң-дээң» дептанцы самны чон сонуургаан.
Тыва чаңчылчаан оюннарны ойнаан:
"Тевек" — дүргенин болгаш шынныын хынаан.
Канат тыртыжыышкыны — найыралдың болгаш кады ажылдажылганың демдээ.
Эр кижилер дириг хойну, херээжен улус өшкүнү көдүрүп, күш-шыдалын, эрес-дидим чоруун көргүскеннер.
Чонга билдингир «Хендирбе сый шагары» деп оюн киржикчилерге сорунзаны эккелген.
Ыяш хирээлээр, шыдыраа, Ча адары болгаш Алгы октаары деп мөөрейлер база болган.
Бо онзагай чараш болуушкун кожууннуң чурттакчыларынга онзагай сактыышкыннарын арттырган.
Бо хемчегниң чуруктарын дараазында ссылкадан көрүп болур силерhttps://vk.ru/album-134658325_310158608
Игорь Лаптан чуруктарны тытырган
#администрацияЧедиХольскогоКожууна
#ЧедиХольскийКожуун
#ЧедиХол
Теги: бөгүн, таңдыуула, аттыг, хөйниити, төвүнүң, шөлүнге, шагаа, байырлалы, болуп, эрткен, амыдыралдың, кол, хөлгези, аът, ыдык, аңнарның, аразынче, кире, бергени, деп, коргүзүңнү, чылдың, демдээ, аътбиле, харылзаазын, онзалап, көргүскен, чедихөл, кожууннуң, т